БИШКЕК, 30-апр. — Sputnik. WhatsApp мессенджеринде Кыргызстандын чар тарабында балдар массалык түрдө уурдалып жатканы боюнча маалыматтар тарап жатат.
Алардын биринде беткап кийген адамдар балдарды уурдап жатканы белгиленген. Каракол шаары менен Ош облусунда белгисиз адамдар балдарды балмуздак менен алдап жатканын, эгер алар качып жөнөсө, артынан кууган учурлар болгонун айтып берген үн жазылмалар мессенджер аркылуу тароодо.
Ички иштер министрлигинин маалымат кызматы тарап жаткан үн жазылмалар текшерилип, бала уурдоо же уурдоого аракет жасоо фактылары катталбаганын маалымдады.
ИИМ жарандарды маалыматты тактамайын башкаларга таратпоого чакырат.