БИШКЕК, 30-апр. — Sputnik. Elite House курулуш компаниясы алардын тогуз кабат эки үйүн түрттүрүү боюнча Экологиялык жана техникалык коопсуздук боюнча мамлекеттик инспекциянын тараткан маалыматын туура эмес деп эсептээрин айткан кабар таратты. Бул туурасында аталган компаниянын маалымат кызматы билдирди.
Курулуш компаниясынан Токомбаев көчөсүндөгү "София" деп аталган 9 кабат үйдү куруу боюнча уруксат документтери бар экендигин билдиришти. Алар пландалган архитектуралык шарттары, инженердик-техникалык шарттар жана долбоордун макулдашылган документтер дешти.
Маалыматта үй эки - А жана Б комплекстеринен турарын айтылды.
Компаниядан "КРдеги лицензиялык-уруксат берүүчү система жөнүндөгү" мыйзамда курулушка уруксат берүү нормасы каралбагандыктан, уюм сот органдары, аталган инспекция менен Бишкек боюнча талаштуу пикирде болуп жаткандыгын айтышкан.
Elite House компаниясы кеңсесине журналисттерди чакырып, курулуштун жүрүшү менен тааныштырууга макул экендиктерин айтышты.