БИШКЕК, 30-апр. — Sputnik. КМШнын аэронавигация боюнча тейлеген провайдерлеринин башын бириктирген «Евразия» деп аталган эксперттердин координациялык тобу жана Координациялык кеңешинин 36-жыйыны Душанбе шаарында өттү.
Жыйындын ишине аэронавигациялык ишканалардын 50гө чукул өкүлдөрү Кыргызстан, Азербайжан, Армения, Белоруссия, Казакстан, Россия, Тажикстан жана Өзбекстандан катышты. Мындан сырткары аэронавигациялык өнөр жайдын, Аба транспорту боюнча эл аралык ассоциациясы,
Мамлекеттер аралык авиациялык комитеттин өкүлдөрү келди.
"Госкорпорация по ОрВД" жетекчиси Игорь Моисеенко ОрВД мамлекеттик корпорациясынын ишмердүүлүгү боюнча доклад окуп, Россиянын аба айдыңында 2018-жылдын жыйынтыгы боюнча аба кыймылдарынын көлөмүнүн көбөйгөндүгүн айтып берди. Андан сырткары аба кыймылдары жаатында борбордун ирилештирүү боюнча программасынын ийгиликтүү ишке ашкандыгын белгиледи. Мындан сырткары Тюмень жана Екатеринбургдагы ОрВДнын ишке кирген Бирдиктүү системасын да эске сала кетти. Андан сырткары Красноярскиде өткөн XXIX дүйнөлүк кышкы Универсиаданы өткөрүү тажрыйбасы менен бөлүштү.
Делегаттар менен коноктор иш-чаранын жогорку деңгээлде уюштурулгандыгын айтышып, мамлекеттик унитардык «Тажикаэронавигация» ишканасына ыраазылыгын билдиришти.
Ал эми келерки 37-жыйын Казакстанда өтмөкчү.