БИШКЕК, 26-апр. — Sputnik. Жогорку Кеңештин имаратынын алдында уран казууну Ысык-Көлдө эле эмес, жалпы Кыргызстандын аймагында токтотууну талап кылган митинг өтүп жатат.
Белгилей кетсек, Ысык-Көл району менен Кочкор районунун чегиндеги Кызыл-Омпол аймагында уран кенин чалгындоо иштерине жергиликтүү тургундар каршы чыккан. "ЮрАзия в Кыргызстане" ишканасы чалгындоо иштерине лицензияны 2010-жылы алып, казуу иштерине да уруксат алууну көздөгөн. Нааразычылыктардан кийин премьер-министр Мухаммедкалый Абылгазиев кендеги бардык иштер токтотулганын маалымдаган.
Акциянын катышуучулары "Биз уранга каршыбыз!", "Ата Мекенге зыян келтирүүгө жол бербейбиз" деген плакаттарды көтөрүп турушат.
Жогорку Кеңештин алдында 50дөй киши турат.
Буга чейин митинг масштабдуу болору, ага коомдук кыймылдар, партиялар жана бир катар уюмдардын катыша турганы айтылган.