БИШКЕК, 25-апр. — Sputnik. Кыргызстандык футболчу Айжан Боронбекова топту бурчтан тээп, укмуштуудай гол киргизди.
Бангладеште Bangamata U-19 Women"s International Gold Cup 2019 турнири башталды. Ага 19 жашка чейинки кыздар катышууда.
Кыргызстандын курама командасы турнирдин биринчи оюнунда Бириккен Араб Эмирлигинин оюнчулары менен кез келип, 2:1 эсебинде жеңишке жетишти.
Боронбекова оюндун 6-мүнөтүндө бурчтан тээп гол киргизсе, 10 мүнөттөн кийин Кенжебүбү Ырысбек кызы эсепти эки эселеди. БАЭнин командасы бир эле топ киргизди.
26-апрелде Кыргызстандын командасы Бангладеш менен ойнойт.