БИШКЕК, 23-апр. — Sputnik. 23-апрелге караган түнү Бөкөнбаев менен Ибраимов көчөлөрүнүн кесилишинде бир киши көп кабаттуу үйдүн бешинчи кабатынан кулап кетти. Бул тууралуу борбор калаанын мэринин кеңешчиси Гуля Алмамбетова Facebook баракчасына жазды.
Киши үйдүн экинчи кабатындагы дүкөндүн чатырына түшкөн.
"Ал тирүү. Тез жардам 4, милиция 6, ӨКМ 13 мүнөттөн кийин келди", — деди Алмамбетова.
Куткаруучулар жабырлануучуну чатырдан түшүрүп, Тез жардам алып кеткен.
Учурда окуянын чоо-жайы такталууда.