Коломбо шаарындагы чиркөөдөн анча алыс эмес жерде турган жүк ташуучу автоунаанын жарылган учуру видеого түшүп калган.
ЖМКлардын жазышынча, полиция фургондун ичинде бомба бар экенин аныктап, аны атайылып жардырып жок кылган.
Белгилей кетсек, 21-апрелде Шри-Ланкада Пасха майрамы белгиленип жаткан маалда сегиз ирет жардыруу болуп, бир бомба аэропортко бараткан жолдон табылган.
Акыркы маалыматтар боюнча жардыруулардан 290 киши каза болуп, 500дөй киши түрдүү жаракат алган. Полиция адам өмүрүн алган аракеттерге катыштыгы бар деген негиз менен 24 кишини кармады.