БИШКЕК, 22-апр. — Sputnik. Каныбек Ботобаев Өкмөт аппаратынын жетекчисинин биринчи орун басары рангындагы чек ара маселелери боюнча атайын өкүл болуп дайындалды. Бул тууралуу Өкмөттүн маалымат кызматы билдирди.
Ага ылайык, тиешелүү буйрукка премьер-министр Мухаммедкалый Абылгазиев кол койду.
Буга чейинки өкүл Курбанбай Искандаров өз арызына ылайык кызматынан бошотулганы айтылган.
Бирок кийин өкмөт башчы Абылгазиев Искандаров мамлекеттик кызматкердин этикасын бузганы үчүн иштен алынганын билдирген.