БИШКЕК, 20-апр. — Sputnik. Бишкекте залкар жазуучу Чыңгыз Айтматовдун элеси түшүрүлгөн стела пайда болгонун шаардын мэриясы билдирди.
Символикалуу белек Россиянын Свердлов облусунун губернатору Евгений Куйвашев тарабынан берилген. Аны Россиянын скульпторлор ассоциациясынын жана куюучу чеберкананын жетекчиси Иван Дубровин менен коомдук ишмер Ассоль Молдокматованын демилгелегени айтылууда.
Стеланы ачуу салтанатына Россиянын Кыргызстандагы элчиси Николай Удовиченко, Биринчи Май районунун акими Токтосун Султанов, маданият, маалымат жана туризм министринин орун басары Максат Дамир уулу, Маданият башкармалыгынын жетекчиси Урмат Белекбаев, жазуучунун уулдары Аскар жана Элдар Айтматовдор, коомдук ишмер Ассоль Молдокматова, Россиянын скульпторлор ассоциациясынын жана куюучу чеберкананын жетекчиси Иван Дубровин катышат.