БИШКЕК, 19-апр. — Sputnik. Болжол менен 4-5 жаштагы баланын атасына болушуп чыйпылыктаган видеосу социалдык тармакка жарыяланып, элдин жүрөгүн элжиретти.
Видеодон айылда көк чөптүн үстүндө эки эркек киши күрөшүп, бирөөсүнүн жыгылып калганын көрүүгө болот. Ошол замат жыгылган кишинин баласы чуркап келип үстүндөгү адамды тартып тургузууга аракет кылган. Алы келбегенин сезген соң ургулап, санынан тиштеп баштаганда баланы жетелеп кетишкен.
Видео соцтармакка кечээ, 18-апрелде, жүктөлгөн.