БИШКЕК, 18-апр. — Sputnik. Жума күнү күндүз кээ бир райондордо жаан жаап, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет билдирди.
Чүй, Талас, Ош, Жалал-Абад, Баткен облустарынын кээ бир райондорунда жаан-чачын катуу жаашы мүмкүн. Бийик тоолуу райондордо жолдор тайгак жана тоңголок болот. Батыштан соккон шамалдын ылдамдыгы секундасына 4-9, кээ бир райондордо 17-22 метрге чейин жетип, абанын температурасы бир аз төмөндөйт.
Чүй жана Талас облустарында +18…+23 градус жылуу болору айтылды.
Ысык-Көл жана Нарын аймактарында +15…+20, Ош, Жалал-Абад жана Баткен облустарында +21…+26 градус жылуу болот.
Ош шаарында жаан чачын күтүлбөйт, абанын температурасы +22...+24 градуска жетсе, Бишкек шаарында күндүз жаан жаашы мүмкүн. Абанын температурасы +21...+23 градуска чамалап барат.