Врачтар беш жыл сайын милдеттүү түрдө квалификациясын жогорулатып турууга тийиш. Бул тууралуу Бурул Арзыкулова Sputnik Кыргызстан радиосунун таңкы эфиринде маек куруп жатып билдирди.
Анын айтымында, учурда дарыгерлердин көбү заманбап медицинанын талабына жооп бере алат.
"Ар бир беш жылда биздин врачтар милдеттүү түрдө квалификациясын көтөргөнгө акылуу. Ансыз мамлекеттик да, жеке клиникаларга да иштөөсүнө жол берилбейт. Бүгүнкү күндө дарыгерлер замандын талабына ылайык медицина тармагын үйрөнүп, чет өлкөгө барып окуп келип жатышат. Биздин врачтар заманбап технологиялар менен иштөөнү да жетиштүү деңгээлде өздөштүрүүдө", — деди Арзыкулова.
Ал бирок дарыгерлердин билим деңгээли cовет мезгилиндеги врачтардыкына караганда төмөнүрөөк экенин кошумчалады.