БИШКЕК, 17-апр. — Sputnik. Германия Кыргызстанга 21 миллион евро грант бөлгөнүн өлкө башчынын маалымат кызматы билдирди.
Президент Сооронбай Жээнбековдун 15-16-апрель күндөрү Германия Федеративдүү Республикасына болгон расмий сапарынын жыйынтыгында бир катар документтерге кол коюлду. Анын арасында гранттын бөлүнүшүн шарттаган үч макулдашуу бар.
Финансы министри Бактыгүл Жээнбаеванын айтымында, 13 миллион евро Ошто перинаталдык оорукананын курулушуна жумшалат. 6 миллионуна ушундай эле медициналык мекеме Таласка да салынмакчы. Дагы эки миллион евро Бишкекте курулуп жаткан перинаталдык ооруканага көмөк катары берилет.
Жээнбековдун сапарынын жыйынтыгы тууралуу да окуп алыңыз.