ОШ, 16-апр. — Sputnik. 19-20-апрель күндөрү Ош шаарындагы айрым көчөлөр убактылуу жабылат. Бул тууралуу шаардык милициянын маалымат катчысы Замир Сыдыков билдирди.
Анын айтымында, "Ош — түрк дүйнөсүнүн маданий борбору" эл аралык салтанаты учурунда жол тыгындарын алдын алуу жана коопсуздук үчүн маданий иш-чаралар белгиленчү жайларга жакын жайгашкан айрым кѳчѳлѳр убактылуу жабылат.
"Бул күндөрү Курманжан датка менен Совет, Ленин менен Нурматов, Ленин менен Баялинов көчөлөрүнүн кесилиши жана Курманжан датка менен Сай-Бою көчөлөрү жабылат", — деди Сыдыков.
Аталган жол кесилиштерин милиция кызматкерлери көзөмөлдөйт.