БИШКЕК, 16-апр. — Sputnik. Кыргызстанда май айында кээ аймактарда ысык 31 градуска жетсе, тоолуу жерлерде ...-2 градуска чейин түшүшү ыктымал. Бул туурасында Кыргызгидромет билдирди.
Чүй
Абанын айлык орточо температурасы климаттык нормадан 1…2 градус жогору болуп, +17...+19 градуска чыгат. Кемин өрөөнүндө жана тоо этектериндеги райондордо 12…14 градус жылуу болушу күтүлөт.
Ай ичинде абанын температурасы түнкүсүн +6…+11 градустан +12...+17 градуска чейин, күндүз +18…+23төн +25...+30 градуска чейин өзгөрүлүп турушу күтүлөт.
Кемин өрөөнүндө жана тоо этектериндеги райондордо ай ичинде күндүз температура +23...28+ градуска чейин жетиши мүмкүн. Жаан-чачындын айлык көлөмү нормадан аз болушу күтүлөт.
Талас
Абанын айлык орточо температурасы климаттык нормадан +1…+2 градус жогору болуп, +15…+17 градуска чыгат. Ай ичинде абанын температурасы түнкүсүн +3…+8 жана +9...+14 градустун тегерегинде болот. Ал эми күндүз термометр +17...+22ден баштап +24...+29 градуска чейин көрсөтөөрү айтылды.
Жаан-чачындын айлык көлөмү нормадан аз болушу күтүлөт.
Ош жана Жалал-Абад облусу
Тоо этектериндеги райондордо ай ичинде абанын күндүзгү температурасы +15...+20дан тарта +23...+28 градуска чейин өзгөрүлүп турушу күтүлөт.
Жаан-чачындын айлык көлөмү өрөөндөрдө нормага жакын, тоо этектериндеги райондордо нормадан арбын болушу мүмкүн.
Ысык-Көл
Абанын айлык орточо температурасы климаттык нормага жакын болуп, +11…+13 градус жылуу болушу күтүлүп жатканын айтышты. Ай ичинде абанын температурасы күндүз +9…+14 градустан тарта +16…+21 градуска чейин өзгөрүлүп турушу күтүлөт.
Жаан-чачындын айлык көлөмү нормага жакын болушу мүмкүндүгүн айтышты.
Нарын облусу
Абанын айлык орточо температурасы климаттык нормага жакын болуп +11…+13 градус жылуу болушу күтүлөт.
Ай ичинде кээ бир күндөрдө түнкүсүн жана эртең менен Ат-Башы районунда 0...-2 градуска жеткен үшүк жүрүшү мүмкүн (үшүк жүрүшү ыктымалы 40-60 пайызды түзөт). Абанын күндүзгү температурасы +13...+18ден тарта +21...+26 градуска чейин өзгөрүлүп турушу күтүлөт.
Жаан-чачындын айлык көлөмү нормадан аз болушу мүмкүн.