БИШКЕК, 15-апр. — Sputnik. Франциянын борбору Париж шаарындагы Нотр-Дам чиркөөсүндө өрт чыкты. Бул тууралуу RT France телеканалы билдирди.
Маалыматка ылайык, чиркөөнүн ичиндеги бардык кишилер коопсуз жайга чыгарылды.
Чиркөөнүн жетекчилигинин берген маалыматына ылайык, өрт жергиликтүү убакыт боюнча саат 18:50дө башталган.
Учурда реставрация иштери жүрүп жаткандыктан чиркөөнүн жарым бөлүгү жабык болчу. Алдын ала маалымат боюнча өрттүн чыгышына оңдоо иштеринин байланышы болушу ыктымал.