100дөй куткаруучу издөөгө чыкты. Чүйдө сууга чөккөн наристе табылбай жатат

БИШКЕК, 15-апр. — Sputnik. Аламүдүн районундагы Константиновка айылында дарыяга чөгүп кеткен 5 жашар бала дагы деле табылбай жактандыктан, бүгүнкү издөө иштерине 100дөй куткаруучу чыкты. Бул тууралуу ӨКМдин маалымат кызматынан кабарлашты.

Эске салсак, 11-апрель күнү бөбөк Ат-Башы дарыясына түшүп кеткен. Алгачкы күнү аны издөөгө 11 куткаруучу тартылган. 

"Бүгүн издөө иштерин улантуу максатында саат 09.30да Аламүдүн, Сокулук, Жайыл, Ысык-Ата, Москва райондорунан жана Токмок шаарынан жалпысынан 99 куткаруучу чыкты", — деп айтылат билдирүүдө.

Издөө иштери Константиновка айылынан Камышановка айылына чейин жүргүзүлмөкчү.