Алар кезинде бир топ тасмада роль аткарып, "кыргыз кереметин" жаратууда бараандуу салым кошкон. Сап башында Сабира Күмүшалиева, Алиман Жангорозова, Бакен Кыдыкеева, Мираида Далбаева, Наталья Аринбасаровалар турса, кийин кино жылдыздарынын катарына Таттыбүбү Турсунбаева, Гүлнара Чокубаева, Айтурган Темирова, Гүлсара Ажыбекова, Жамал Сейдакматова, Асел Эшимбекова жана Гүлнара Абдыкадыровалар кошулган. Ал чыгармачыл инсандар азыркыга чейин көрүүчүлөрдүн оозунан түшпөй, түрдүү тасмадагы каармандарынын ысымы менен айтылып келет.