БИШКЕК, 11-апр. — Sputnik. Чүй облусуна караштуу Жайылма айылында эки унаа кагышып, бири трассадан чыгып кетти. Бул тууралуу Sputnik Кыргызстан агенттигине күбө билдирди.
Кырсык бүгүн, 11-апрелде, саат 15.30дар чамасында болгон. Маалыматты аймактык жол кыймылы коопсуздугун камсыздоо башкармалыгынан тастыкташты.
"Toyota Camry менен ВАЗ 2107 кагышып, төрт адам жабыркады. Каза болгондор жок", — дешти милициядан.
Учурда териштирүү иштери жүрүп жатат.