БИШКЕК, 9-апр. — Sputnik. Бишкек — Торугарт жолуна жөө адамдар үчүн жер алдындагы өтмөк курулат. Бул тууралуу Транспорт жана жолдор министрлигинен кабарлашты.
Токмоктун тушундагы айланма жолдо жер алдындагы өтмөк курулат. Сүрөт
© Фото / пресс-служба Минтранспорта КР
Билдирмеге караганда, өтмөк аталган жолдун 63-чакырымына, тагыраагы, Токмок шаарына жакын жерге курулат.
Бүгүн, 9-апрелде, курулуш иштерине болгон даярдыкка министрликтин коомдук байкоочу кеңешинин мүчөлөрү, Жол чарба департаменти менен жергиликтүү бийликтин өкүлдөрү байкоо салып келди.
Мындан сырткары, алар Ысык-Ата районундагы трассанын курулушун дагы текшеришкен.