БИШКЕК, 9-апр. — Sputnik. Өкмөттүн чек ара маселеси боюнча атайын өкүлү Курбанбай Искандаров өз арызына ылайык кызматынан бошотулду. Бул тууралуу өкмөттөн билдиришти.
Тийиштүү буйрукка премьер-министр Мухаммедкалый Абылгазиев кол койду. Искандаров өкмөттүн аппарат жетекчисинин биринчи орун басары рангында эмгектенген.
Курбанбай Искандаров өкмөттүн аппаратында 2001-жылдан бери иштеп келген. Ал чек ара маселесин 2010-жылдан бери карай баштаганы маалым. 2012-жылы атайын өкүл болуп дайындалган.