Америкалык гимнаст кыз Саманта Керио Студенттик спорт боюнча улуттук ассоциациясы уюштурган мелдеште эки бутун тең сындырып алды. Бул тууралуу Mirror Online басылмасы жазды.
Спортчу үчүн тагдыр чечкен ирмем видеого түшүп калган.
Кадрларда көрүнүп тургандай, спортчу секирип келип, туура эмес түшүп калгандыктан, эки буту тизесинен ылдыйыраак жерден сынып кеткенин көрүүгө болот.
Алабама штатындагы Оберн университетинин атынан чыккан кыз бул окуядан кийин спорттук карьерасын жыйынтыктаганын билдирди.