БИШКЕК, 9-апр. — Sputnik. Кыргызстандык окуучу Айжан Съездбекова 10 жашка чейинки кыздар арасында шахмат боюнча Азияда мыктылардын мыктысы болду. Бул туурасында Кыргызстандын Шахмат федерациясынан билдиришти.
Биринчилик боюнча таймаш Шри-Ланкада өтүп жатат.
Айжан Съездбекова сегиз оюндун баарын уткандыктан, сегиз упай топтогон. Федерациядан башкалардан артыкчылык кылып, эки балл менен алдыга озуп, алтынды мөөнөтүнөн мурда утуп алганын айтышты.