Этнофестивалдагы ирмемдер тартылган видео YouTube тармагына жүктөлдү. Кадрлардан иш-чара өткөн жерлерди, кыргыз боз үйүн, көк бөрү, салбуурун оюндарын, төөлөр жарышын көрүүгө болот.
Видеонун сүрөттөмөсүндө бул иш-чара 90дон ашуун өлкөнүн каада-салт, маданиятын бириктире алганы жазылган.
Camel Fest 9-мартта башталып 23үнө чейин созулган. Анда 98 мамлекеттин өкүлдөрү маданият жана спорт жаатында талантын көрсөттү. Ага катышууга кыргызстандыктарга эң көп — 2000дей квота бөлүнгөн.
Кыргызстандык делегация "Көчмөндөр ааламы" деп аталган оюн-зоогун көрсөтүп кайтты.