БИШКЕК, 4-апр. — Sputnik. Москва, Панфилов жана Жайыл райондорундагы диний окуу жайлар текшерүүгө алынып жатканын муфтият билдирди.
Иш-чаранын максаты — аталган окуу жайлардын билим берүү сапатын, мекемелердин абалын аныктоо. Бул үчүн атайын комиссия түзүлгөн. Анын курамына муфтияттын диний окуу жайлар бөлүмүнүн башчысы Акимжан ажы Эргашев жетектеген диний окуу жайлар бөлүмүнүн кызматкерлери, казынын орун басары, казыяттын окуу бөлүмүнүн адиси жана райондун баш имам хатибдери кирди.
Маалыматта иш-чаранын аягында жалпы окуу жайларга баа берилип, айрымдары эскертүү алган.