ОШ, 4-апр. – Sputnik. Лейлек районунун Жаштык айылындагы Касым Тыныстанов көчөсүнөн 30 жаштагы жергиликтүү жашоочунун сөөгү табылды. Бул тууралуу облустук милициянын маалымат катчысы Дамира Юсупова Sputnik Кыргызстан агенттигине билдирди.
Анын айтымында, окуя 1-апрель күнү болгон.
Жаңы-Жер айылдык милиция бөлүмүнүн кызматкерлери ыкчам иликтөө иштеринин жүрүшүндө ошол эле айылдын 34 жаштагы тургунун шектүү катары колго түшүрдү.
Лейлекте айылдашын бычак менен сайып өлтүрдү делген киши кармалды
© Фото / пресс-служба УВД Баткенской области
“Алдын ала маалыматтар боюнча экөөнүн ортосунда пикир келишпестик жаралып уруша кеткен. Натыйжада 34 жаштагы киши айылдашын бир нече жолу ашкана бычагы менен сайып, кетип калган”, - деди Юсупова.
Факты Кылмыштар жана жоруктардын бирдиктүү реестрине катталып, тиешелүү экспертизалар дайындалды.