БИШКЕК, 4-апр. — Sputnik. Кыргызстандын футбол боюнча курама командасы Эл аралык федерациянын (FIFA) апрель айынын жыйынтыгы менен чыгарган рейтингинде өз позициясын сактап калды.
4-апрелге карата кыргызстандык команда 95-орунда турат.
Алдыңкы үч сап өзгөргөн эмес, Бельгиянын командасы биринчи орунда. Анын соңунан Франция менен Бразилия келе жатат. Төртүнчү сапка Хорватияны жылдырып Англия чыккан.
Кыргызстандын курама командасы FIFA рейтингинде Азия кубогунан кийин ылдыйлап кеткен. Февралдагы тизмеде 91-орундан 95ке түшүп, ошондон бери ушул позицияда.