БИШКЕК, 3-апр.— Sputnik. Бейшемби күнү, 4-апрелде, өлкөнүн көпчүлүк аймактарында жаан жаап, тоолуу райондордо карга айланышы мүмкүн. Батыштан соккон шамалдын ылдамдыгы секундасына 4-9 метрге жете турганын Кыргызгидромет маалымдады.
Абанын температурасы Чүйдө +14…+19, Таласта +13…+18, Ош, Жалал-Абад жана Баткен аймактарында +14…+19 градус жылуу болот.
Ысык-Көл жана Нарын аймагында +11…+16 градус болору айтылды.
Ош жана Бишкек шаарларында мезгил-мезгили менен жаан жаап, күндүн табы +16…+18 градуска жетет.