БИШКЕК, 1-апр. — Sputnik. Бишкектин борбордук бөлүгүндө саат 17:33тө жарык өчтү. Бул тууралуу "Түндүкэлектр" ишканасынан кабарлашты.
Ведомстводон маалымдашкандай, учурда себептери такталып жатат.
"Керектөөчүлөр кыска мөөнөткө башка линияларга кошулат. Бирок азырынча жарык бериле элек", — дешти ишканадан.
Учурда Чыгыш-6 кичирайонунда, Шопоков, Абдрахманов жана ушул жакка жакын жайгашкан аймактарда жарык жок.
Күбөлөр Чүй проспектисинде жол чырак иштебей, тыгын жаралганын билдиришти.