БИШКЕК, 1-апр. — Sputnik. Бишкектин бир катар бөлүгү 4-апрелге чейин газсыз калат. Бул тууралуу "Газпром Кыргызстан" ишканасынан кабарлашты.
Көгүлтүр от өчө турган аймактар:
2-4-апрель аралыгында — Манас, Чүй проспектилеринин бир бөлүгү, Исанов, Токтогул, Сыдыков көчөлөрү, Көлбаев, Ибраев, Сокулук жана Ысык-Көл көчөлөрүнүн бир бөлүгү;
3-4-апрель — Орозов, Патрис Лумумба жана Абдраев көчөлөрүнүн бир бөлүгү;
Мындан сырткары, 1-апрелден 5-апрелге чейин Чүй облусуна караштуу Аламүдүн айылында (Гибростроитель, Алма-Ата, Набережный көчөлөрү жана Аламүдүн дарыясы менен чектешкен аймак, Иваницина, Кожожаш, Гоголь, Школьный көчөлөрү менен "Шин-Лайн" ЖЧКсы) газ берүү үзгүлтүккө учурайт.