"Россия 1" телеканалындагы "Кто против?" программасынын алып баруучусу Владимир Соловьев ток-шоуга келип, бири-бирине акаарат келтирип, студияда урушуп кеткендерди эфирден чыгарып салды.
Соловьев жана аны менен кошо алып барып жаткан Сергей Михеев аларды ажыратып калганга жетишкен.
Анткен менен Вайнер берки кишини дагы бир топ сөздөр менен тилдеп калганын көрүүгө болот. Бул жагдайдан кийин экинчи алып баруучу анын студиядан чыгып кетишин суранган. Соловьев Степанянинге да чыгып кетүүгө туура келерин айткан.
Соловьев күзөт кызматына экөө эфирден сырткары да мушташып кетпеши үчүн бири-биринен алысыраак кармап узатып койгула деген өтүнүчүн айткан.
"Кишинин жаалы келиши мүмкүн, мамилелер да катуулашы мүмкүн, бирок чектен чыкпаш керек. Адамдар бири-бирин укпай калганда чыр чыгат, ал эми эл бири-бирин укпай калганда согуш тутанат", — деген алардын кылыгына нааразы болгон Соловьев.
Мындай окуя аталган программада бир эмес, бир нече жолу кайталанып келет. Буга чейин да февраль айында ток-шонун башка катышуучуларын мазактаганы үчүн Янина Соколовскаяны Михеев студиядан чыгарып жиберген.