БИШКЕК, 27-мар. — Sputnik. Февралдын аягына карата Улуттук банктын алтын запасынын жалпы баасы 34 миллиард 929,3 миллион сомду түзгөнү тууралуу маалымат мекеменин сайтына жарыяланды.
Алтын жана чет элдик валюта сомдун курсун турукташтырып турууга жардам берет. Резерв валютанын ондон ашуун түрүнөн, СDR (Эл аралык валюта фондусунун жасалма резервдик жана төлөм каражаты) жана алтындан турат.
2018-жылга салыштырмалуу запас 13 миллиард 90 миллион сомго көбөйгөн. Былтыр февралдын аягында жалпы көлөм 21,8 миллион сомдун чегинде экени айтылган. Бул 2008-жылдан бери катталган рекорддук көрсөткүч болчу. Дал ушул убакыттан бери маалыматтар ачык болуп келе жатат. 2008-жылдын 1-январында запас 2,5 миллион сомго бааланып, ошондон бери өсүүдө.
Буга чейин Улуттук банктын резерви кайсы өлкөнүн валютасынан турары жарыяланган.