ЖИА бизнес ассоциациясына 1000ге чукул ишкер мүчө болсо, анын 150гө жакыны кыз-келиндер. Бул тууралуу Фархат Пакыров Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, дүйнө жүзүндө аял ишкерлерди колдоо тенденциясы ортого чыгууда.
"Биздин ассоциацияга 1000ге чукул ишкер мүчө. Алардын 150сү аялдар. Өлкө аймагында алар көбүнесе тейлөө жана өндүрүш тармагында иш алып барат. Бул жакшы көрүнүш. Болгону аларды колдоо иретинде кандайдыр бир жеңилдиктер берилип, мамлекет тарабынан да көңүл бурулушу керек. Анткени учурда дүйнө жүзүндө аял ишкерлерди колдоо тенденциясы ортого чыгууда. Азыркы тапта ишкерликке кызыккан кыз-келиндердин басымдуу бөлүгү Жалал-Абад облусунда болуп жатат. Алар бизнес-ассоциациянын алып барган иш-чараларына жигердүү катышып, кызыгуусун көрсөтүүдө", — деди Пакыров.
Ошондой эле ал ишкерлик тармагына кызыккандар же кандайдыр бир сунуштар болсо, ЖИА ассоциациясынын сайтына кирип, ал жакта көрсөтүлгөн байланыш телефондору жана дарек аркылуу кайрылууга мүмкүн экенин кошумчалады.