БИШКЕК, 26-мар. — Sputnik. Улуу Британияда 18 жаштагы спортчу кыз Фейсти Сафия Сид хиджаб менен рингге чыкты. Бул тууралуу Daily Mail агенттиги жазды.
Эске салсак, өткөн айда бокс боюнча эл аралык ассоциация (AIBA) спорттун бул түрү менен алектенген аялдарга хиджабчан беттешүүгө уруксат берген.
Спортчу кыз өзүнүн алгачкы беттешине хиджаб, жеңи узун кофта жана легинс кийип чыгууну пландап жатат.
Фейсти спорт менен бир жыл мурун машыга баштаган.
Көрсө, ал 16 жаштан 17ге караган куракта сейрек кездешкен ооруга кабылып, төшөккө жатып калган экен. Бирок ал илдет менен күрөшүү максатында жасай турчу жумуштарынын тизмесин түзгөн. Биринчи кезекте ал бокска жазылган.
"Спортту аябай жакшы көрөм. Башында мен хиджаб кийип жүргөнүмө кайгыра берчүмүн. Бирок залда мага эч ким маани берген жок, тескерисинче көбү колдошту. Көпчүлүк хиджаб кийип бокс менен машыгуу кыйын деп ойлосо керек. Бирок чынын айтсам, машыгуу учурунда мен аны сезбейм деле", — деди Фейсти.
Спортчу барган залда бир гана кыздар эмес, балдар дагы машыгат.