Швециянын Aftonbladet гезитинин жазганына караганда, учурда андагы 1300 адамдын 262си куткарылды.
Окуянын видеосу YouTube тармагына жүктөлдү.
Жүргүнчүлөр акырындык менен жээкке чыгарылып жатат. Бирок куткаруу иштери тик учак менен жүргүзүлүп жаткандыктан, жайыраак болууда. Анткени тик учактын бортуна бир салганда 10дой гана адам батып жатат.
Учурда лайнер якорун түшүрүп коюп турат. Жергиликтүү бийликтин айтымында, куткаруу иштери абдан катаал шарттарда өтүүдө.