БИШКЕК, 21-мар. — Sputnik. Кыргызстанда 22-мартта өлкөнүн тоолуу аймактарында карга айланган жамгыр жаашы күтүлөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүй облусунда +13... +18, Таласта +15... +17, Нарын жергесинде +5 ... 10, Ысык-Көл өрөөнүндө +9... +14 градус жылуу болушу күтүлөт. Ош, Жалал-Абад жана Баткен облустарында күндүн табы +15... +20 градуска көтөрүлөрү болжолдонду.
Ал эми Ош шаарында +13 ... +18 градус жылуу болсо, Бишкекте ала булут каптап турат, жаан-чачын күтүлбөйт. Абанын температурасы +16... +18 градусту көрсөтүп турары айтылды