БИШКЕК, 18-мар. — Sputnik. Крайстчерч шаарынын соту калаадагы мечиттердеги терактынын видеосун жарыялап жайылтты деп айыпталып жаткан 18 жаштагы уланды бошотуудан баш тартты. Бул тууралуу The New Zealand басылмасы жазды.
Эми ал апрель айынын башына белгиленген сот отурумуна чейин камакта болот. Айыпталган бала 14 жылга чейин эркинен ажыратылышы ыктымал.
Бийлик 18 жаштагы баланы негизги айыпталуучу Брентон Терранттын мечитке жасаган кол салуусунун видеосун түз эфирден көрсөттү жана элди зомбулукка үгүттөгөн тексттерди жазды деп айыптоодо.
Белгилей кетсек, 15-мартта Крайстчерч шаарындагы жана Линвуд шаарындагы мечиттерде теракт болуп, акыркы маалыматтар боюнча 50 киши каза болгон. Алардын арасында балдар менен аялдар да бар. 50гө жакын киши түрдүү жаракат менен ооруканага жаткырылган.