БИШКЕК, 14-мар. — Sputnik. Кыргызстан Аалымдар кеңешинин төрагасы Абибилла ажы Кадырбердиев "Коомчулук менен байланыш жана фатва маселелери" жана "Тышкы алака жана ажылык иштери" боюнча жумушчу топтор менен жыйын өткөрдү. Бул тууралуу муфтияттын маалымат кызматы билдирди.
Анда биринчи топко тышкы алакаларды бекемдөө багытында илимий макала даярдоо тапшырмасы берилсе, Кыргызстандагы ар кандай диний агымдардын жана жамааттардын багыттарын аныктоо боюнча изилдөө жүргүзүү тапшырмасы коомчулук менен байланыш жана фатва маселелери боюнча жумушчу тобуна жүктөлдү.
Жумушчу топтор менен болгон отурумга АКнын төрагасынын орун басарлары Ниязалы ажы Арипов жана Фархат ажы Юсупов катышты.