БИШКЕК, 11-мар. — Sputnik. Борбор калаадагы Сеченов көчөсүндө жайгашкан турак үйдөн чыккан өрттү өчүрүүгө беш бригада, ӨКМдин ыкчам тобу менен беш куткаруучу тартылды. Бул туурасында ӨКМдин маалымат кызматынан кабарлашты.
Тилсиз жоо тууралуу маалымат ӨКМге бүгүн 18.22лерде түшкөн.
Бишкекте чыккан өрт. Жалындаган үйдүн сүрөттөрү
© Фото / пресс-служба МЧС КР
"Мындан сырткары, жерине ИИМ, Тез жардам жана РЭТ кызматкерлери тартылган. Кошумча маалымат берилет", — деп кабарлашты аталган министрликтен.
Азырынча өрттүн себеби тууралуу маалымат айтылат элек.