БИШКЕК, 11-мар. — Sputnik. Апрель айында жыл сайын өтүп, салтка айланган "Бакай Банк Жаз Деми" жарым марафон өтөрүн уюштуруучулар билдирди.
14-апрелге белгиленген иш-чарадан түшкөн каражат көзү начар көргөндөргө таяк алып берүүгө жумшалат. Катышуучулар жылдагыдай эле "Манас" аэропортуна бара жаткан жолдо чуркашат.
Марафонго профессионал жана ышкыбоздор болуп бардыгы 1 500 адам катышмакчы.
Катышуучулар 5, 10 жана 21 чакырымга чуркашары айтылды.
Марафондун маалыматтык өнөктөшү — Sputnik Кыргызстан эл аралык маалымат агенттиги жана радиосу.