БИШКЕК, 10-мар. — Sputnik. "Санта-Барбара" сериалындагы башкы каармандардын биринин ролун аткарган америкалык актер Жед Аллан 85 жашында каза болду. Бул туурасында Facebook тармагына досу, кесиптеши Эй Мартинес жазган.
Ал актер менен бирге "Санта-Барбара" телесериалына тартылгандыгын айткан.
"Алландын чеберчилиги - кесипкөйлүгү менен шыктануусун айкалыштыра билгендигинде болду. Колу ачык, ак көңүл, шайыр жана күчтүү адам эле. Аны менен бирге иштешип, насиптеш, дос болуп калганыма Жаратканга ыраазымын", — деп жазган Мартинес.
КМШнын аймагындагы көрүүчүлөрдүн көбү Алланды "Санта-Барбара" телесериалындагы Кэпвеллдердин үй-бүлөсүнүн башчысы — Сиси катары таанышкан.
Ал аталган ролунан тышкары америкалык "Коломбо", "Беверли-Хиллз 90210", "C.S.I.: Майами", "Порт Чарльз" жана франциялык "Арлетт" кинолорунда образ жараткан.