БИШКЕК, 8-мар. — Sputnik. Февраль айынын ичинде Кыргызстандын алтын валюта резерви 10 миллион долларга өстү. Бул тууралуу мекеменин маалыматында айтылат.
Ушул айда Улуттук банк сомдун курсун турукташтыруу үчүн бир да ирет валюта рыногуна чыккан эмес.
Январдын соңунда запас 2 миллард 170 миллион 440 миң доллларга бааланган. Бир айдан соң 2 миллиард 180 миллион 490 миң долларга жетти.
Кыргызстандын эл аралык резерви валютанын 10 түрүнөн жана алтындан турат. Алар эл аралык эсептешүүдө, дефицитти жабууда жана улуттук валютанын курсун турукташтырууда колдонулат.
Улуттук банктын резервинде дагы кандай валюталар бар экенин Sputnik даярдаган материалдан билүүгө болот.