БИШКЕК, 8-мар. — Sputnik. Эгерде эркектер жок болуп кетсе, аялзаты партеногенетикалык (бир жыныс аркылуу — ред.) жол менен көбөйө алат. Бул туурасында "Известия" басылмасы Россиянын алдыңкы генетиктерине таянып жазды.
Окумуштуулардын айтымында, эркектерге тиешелүү Y-хромосомасы аялдын Х-хромосомасынын кичинекей бир бөлүгү болуп эсептелет.
Муну менен аялдар эркектерге салыштырмалуу уруктандыруусуз эле тукум улай алат.
"Бул нерсе толук мүмкүн, аялдарда хромосома жетиштүү. Анын үстүнө эркектердин түйүлдүктү өстүрүп, көтөрө турчу органдары жок", — деп түшүндүргөн окумуштуулар.
Эгер эркектер кокус жоголуп кете турган болсо, аялдар партеногенетикалык жол менен кош бойлуу боло алат. Бул ыкмада мейоздон бөлүнүп чыга элек урук клеткалары керектелет. Өз кезегинде урук клетка энеге окшош болуп калыптанат. Кыскасы, бир гана кыздар төрөлөт.
Ошондой эле "Известия" агенттиги аталган тема боюнча ири көлөмдөгү материал даярдаганын билдирип, эксклюзивдүү макалага өзүнчө шилтеме берген.