БИШКЕК, 7-мар. — Sputnik. Ысык-Көл облусунда таштандыны кайра иштетүүчү завод ачуу пландалып жатат. Бул тууралуу Ысык-Көл районунун акими Данир Иманалиев Sputnik Кыргызстан агенттигинде өткөн терегек столдо билдирди.
Анын айтымында, 2016-жылы бул максатта үч ирет сынак жарыяланган.
"Долбоорго 5 миллион сом бөлүнгөн. Бирок техникалык-экономикалык негиздеме берүү боюнча адис жок болгондуктан, тендерге заявка берилген эмес. Анын үстүнө беш миллион сом жетишсиз, учурда чет элдик инвестор изделип жатат. Таштанды маселеси Корумдудан Тору-Айгырга чейин өтө актуалдуу", — деди Иманалиев.
Ушул эле ич-чарада Кыргызстандын аймагында 500гө жакын ишкана таштанды чогултуу, кайра иштетүү боюнча мыйзамсыз иш алып барары белгилүү болду.