БИШКЕК, 7-мар. — Sputnik. Социалдык тармактарга кырктан ашуун жоокер сегиз санындай тизилип айымдарды 8-март майрамы менен куттуктаган видеосу жарыяланды.
"Айымдар, майрамыңыздар менен куттуктайбыз! Ура! Ура! Ура!" — деп аскерлер хор менен кыйкырышкан.
Мындай куттуктоо айымдарга жагымдуу маанай тартуулаганын астына жазылган комментарийлерден байкоого болот. Азырынча бул видеону кайсы ведомствонун жоокерлери тартканы белгисиз.