БИШКЕК, 6-мар. — Sputnik. Кыргызстанда акыркы жылдары ар бир төртүнчү бала никесиз жарыкка келет. Бул тууралуу Улуттук статистика комитетинин "Кыргызстандагы эркектер менен аялдар" аттуу маалыматында айтылат.
Бул жерде 2013-жылдан 2017-жылга чейинки маалыматтар камтылган. Жалпысынан никесиз балдар 2014-жылы эң көп төрөлүп, дээрлик 42 миңди түзгөн. Эң аз көрсөткүч 2017-жылы катталып, 36 миң бала никесиз жарыкка келгени маалым болгон.
"2017-жылы никесиз төрөлгөн балдардын 20 миңдейи ата-энелеринин макулдугу менен каттоого алынса, 16 миңден ашык ымыркай апасына гана катталган. Бул балдар атасыз чоңоюшу мүмкүн", — деп айтылат маалыматта.
Негизинен турмушка чыкпай көз жарган аялдардын басымдуу бөлүгү 30 жашка чейинкилер.