БИШКЕК, 6-мар. — Sputnik. Борбор калаада табигый илимдер, технология, инженерия жана математика тармагында иштеп жүргөн кыз-келиндердин жолугушуусу өтөт. Бул туурасында "Роза Отунбаеванын демилгеси" эл аралык коомдук фондусунан кабарлашты.
Бүгүнкү жолугушууда да илимий-техникалык жана инженердик-математика тармагы талкууга алынмакчы.
"Иш-чарада тармактын ишин активдештирүү, жакшыртуу жолдору жана ар бир мүчө үчүн аны кантип пайдалуу кылууга болот деген маселе талкууланат", — деп айтылат таратылган маалыматта.
Жолугушууга "КР айымдары STEMде" (Women of KR in STEM) тармагынын мүчөлөрү, ошондой эле тармакка кошулууну каалаган кыз-келиндер, адистер, техникалык жана инженердик адистиктеги студенттер чакырылат.
Мааалыматта жыйынга катышуу достук байланыштарды түзүүгө, тажрыйба жана билим алмашууга, STEM жагынан кесипкөй өсүүгө көмөкчү боло турганы айтылган.
Жолугушуу 6-мартта Бишкек шаарында Исхак Раззаков атындагы КМТУда болмокчу.