БИШКЕК, 4-мар. — Sputnik. Белоруссияда кыргыз киносунун жумалыгы өтөрүн Кинематографты колдоо фондусунан кабарлашты.
Маалыматка ылайык, кыргыз режиссерлору тарткан тасмалар 4-6-март күндөрү Минск шаарында көрсөтүлөт.
Белорус кино сүйүүчүлөрү бул күндөрү Төлөмүш Океевдин "Кызыл алма", Актан Арым Кубаттын "Кентавр" жана Темир Бирназаровдун "Түнкү кырсык" фильмдерин көрө алат.
Жумалыкты Белоруссиянын Маданият министрлигинин колдоосунда Кыргызстандын бул өлкөдөгү элчилиги уюштурууда.