Ири унаа Dhabiyan 24 тонна болсо, узундугу 11 метр, ал эми бийиктиги 3,5 метрди түзөт. Кыймылдаткычынын кубаттуулугу 600 аргымактын күчүнө тең.
10 дөңгөлөктүү унаа Oshkosh M1075 аскер машинасынын негизинде куралган. Алды 40-жылдагы жүк ташуучу унааны элестетсе, кабинасы — заманбап Jeep Wrangler Unlimited унаасыныкына окшош, чырактары — Ford Super Duty үлгүсүнөн алынса, ал эми арткы бампери — Dodge Dart машинасын элестетип турат.
RT маалымдагандай, жолтандабас БАЭнин түндүк-чыгышындагы Аль-Мадам шаарында жайгашкан Өзгөчө унаалардын тарыхый музейине коюлмакчы.
Социалдык тармактын колдонуучулары араб шейхинин мындай чоң унааны жаратуусуна фантастикалык "Безумный Макс" жана "Трансформеры" тасмалары таасир тийгизген деп айтышууда. Айрым каттаалуучулар дал ушул унаа сериянын кийинки чыгарылыштарына кирип калышы мүмкүн экендигин жазышкан.