БИШКЕК, 2-мар. — Sputnik. Борбор калаада Жибек Жолу проспектисинин батыш автобекет аймагындагы бөлүгү кеңейтилип жатат. Бул тууралуу мэриянын маалымат кызматы кабарлады.
Билдирүүгө ылайык, кеңейтүү иштери Фучик көчөсүнөн Чымкент унаа жолуна чейин жүрүүдө.
Жолдун эки тарабынын тең узундугу 800 метр, туурасы 17 метрди түзөт.
Мэрия Ала-Арча дарыясынын жанына жер үстүндөгү өтмөк курууну пландап жатат.
Мындан сырткары, Фучик көчөсү менен Жибек Жолу проспектиси, Жибек Жолу менен Коммунаров көчөсүнүн кесилишиндеги жана Ала-Арча дарыясынын жанындагы электр мамылары менен жол чырактарын жылдыруу каралууда.